პრემიერ-მინისტრი ირაკლი ღარიბაშვილი ვიზიტით ბრიუსელში გაემგზავრა, სადაც ევროპული საბჭოს პრეზიდენტს, შარლ მიშელს შეხვდება. აღნიშნულთან დაკავშირებით მწვავე პოლიტიკურ შეფასებას აკეთებს საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე:
,,ახლა მიდის ღარიბაშვილი [ბრიუსელში]. შარლ მიშელის დოკუმენტი, 12 პუნქტიანი რეკომენდაცია გადახიეს, დეოლიგარქიზაციაზე ევროპული რეკომენდაციის საწინააღმდეგოდ იქცევიან.
რა უნდა უთხრას ღარიბაშვილმა? ანტიდასავალური, რუსული რიტორიკით გაჟღენთილი ჩადის!
ნამდვილად ძალიან მძიმე მდგომარეობა არის ქვეყანაში. სამარცხვინოა, რომ საქართველოს, ამ მასშტაბის ტრიბუნაზე, ირაკლი ღარიბაშვილი წარმოადგენს“, – განაცხადა პაატა მანჯგალაძემ.
ავტორი
ნინი ხიჯაკაძე
