პარლამენტის საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი კომენტარს აკეთებს სანქციებთან დაკავშირებით დაწყებულ მსჯელობებზე, რა დროსაც საქართველოსთან მიმართებაშიც იყო ყურადღება გამახვილებული:
,,მცდელობა, ქვეყნის შიგნიდან თუ გარედან, რომ გამოგონილი, ყალბი ნარატივით საქართველო დაეზიანებინათ, უშედეგოა იმიტომ, რომ ერთი კონკრეტული ფაქტი არ არსებობს და ეს ფაქტი არ არსებობს იმიტომ, რომ საქართველო შესაბამის პოლიტიკას ატარებს.
საზოგადოება კარგად ვართ შეჩვეული, რომ შეკვეთილი სტატიებით ან გარკვეული პოლიტიკური მიზნებიდან გამომდინარე, როგორ ხდება ხოლმე რაღაცა, ასე ვთქვათ, აღქმის ჩამოყალიბების მცდელობა, მათ შორის, საქართველოსთან მიმართებაში.
რამდენი გვაქვს მოსმენილი ქართველი ,,პოლიტიკოსებისაგან“, რომ გამალებით მოუწოდებდნენ მთელ მსოფლიოს, რომ საქართველო დაასანქცირეთ. იმიტომ, რომ იარაღს ლამის რუსეთს აწვდისო. ამიტომ ესეც არის ამ კამპანიის ნაწილი“, – განაცხადა ირაკლი ქადაგიშვილმა.
ინფორმაციისთვის: ამერიკული გამოცემა ,,CNBC” სტატიას აქვეყნებს, სადაც საუბარია უკარინაში მიმდინარე ომის ფონზე საქართველოში ეკონომიკის ზრდაზე:
,,კავკასიის ქვეყნები, საქართველო და სომხეთი, რომელთა ეკონომიკა უკრაინის ომის შემდეგ მოულოდნელად აყვავდა, რუსეთთან ვაჭრობის ზრდის შემდეგ, დასავლეთის მხრიდან საპასუხო გადაწყვეტილების წინაშე დგანან“, – წერია ,,CNBC“-ის სტატიაში.
ავტორი
ნინი ხიჯაკაძე
