უკრაინის მხრიდან ქართული კომპანიის ,,ჯორჯიან ეარვეისის” სანქცირებაზე კომენტარს აკეთებს ,,სტრატეგია აღმაშენებლის” თავმჯდომარე, გიორგი ვაშაძე. ოპოზიციონერი ლიდერი საუბრობს, თუ რა შედეგები შეიძლება მოჰყვეს საქართველოს რუსეთთან კომუნიკაციების აღდგენას:
,,ყველაზე მძიმე არის ის, რომ პირველი – ქართული კომპანია უკვე მოექცა სანქციების ქვეშ. ეს არის ძალიან მძიმე.
სამწუხაროდ, უკრაინის სანქციები არის დასაწყისი. ეს სანქციები გაგრძელდება ევროპის და ამერიკის მიმართულებით.
ახლა მთავარი საკითხი რა არის – დასანქცირდება თუ არა ქართული აეროპორტები?
იცოდეთ, რომ საქართველოს აეროპორტების დასანქცირება ნიშნავს, რომ ჩვენ აღარ გვექნება კავშირი ევროკავშირთან, ფრენები გვექნება მხოლოდ რუსეთთან. მე ასეთ რეალობასთან შეგუებას არ ვაპირებ. ამიტომ სიფხიზლეა საჭირო!”, – განაცხადა გიორგი ვაშაძემ.
ავტორი
ნინი ხიჯაკაძე
