“მთავარი არხის” გენერალური დირექტორის, პატიმრობაში მყოფი ნიკა გვარამიას გათავისუფლების მოთხოვნით აქცია გაიმართა საქართველოს პრეზიდენტის ადმინისტრაციასთან, რასაც ემოციური გზავნილით ეხმაურება მედიამენეჯერი და მადლობას უცხადებს მხარდამჭერებს:
“დიდი მადლობა მხარდაჭერისთვის! როცა ადამიანებს ასე სჯერათ შენი სიმართლის, დანარჩენი მხოლოდ დროის საკითხად იქცევა❤️
ცალკე განსაკუთრებული მადლობა ქართულ საზოგადოებას, რომ “აზიმუტის” თვითმფრინავები ცარიელი დაფრინავს.
არც მიტინგებზე გავიდნენ, მაგრამ არც თვითმფრინავში ჩასხდნენ. მთავარი ზუსტად ესაა:
არ არსებობს არანაირი ბმა ქართველებსა და რუსებს შორის, უბრალოდ, ბუნებაში აღარ არსებობს, სამუდამოდ ჩაჭრილია აღუდგენლად. ვერ შეცვლის ამას ივანიშვილი და მისი ამქარი, რაც არ უნდა ქნას, ვერ შეცვლის“, – აცხადებს ნიკა გვარამია.
