საქართველოს პრეზიდენტი, სალომე ზურაბიშვილი ევროპული საბჭოს პრეზიდენტს, შარლ მიშელს შეხვდა. მოლოდინებთან დაკავშირებით, თუ რა განცხადებებს გააკეთებს ქვეყნის პირველი პირი, კომენტარს აკეთებს პარტია ,,ქართული ოცნების“ თავმჯდომარე“, ირაკლი კობახიძე:
,,მე ერთადერთი მინდა იმედი გამოვთქვა, რომ მისი განცხადებები, ამ შემთხვევაში, არ იქნება ჩვენი სახელმწიფო ინტერესებისთვის დამაზიანებელი, მათ შორის – ევროინტეგრაციის კუთხით.
იმედია, რომ ასეთი არ იქნება ეს განცხადებები, დანარჩენს დაველოდოთ.
არცერთ შემთხვევაში არ გვინდა მასთან, მით უმეტეს, საჯარო პოლემიკაში შესვლა.
ეს არის პრინციპული პოზიცია. აქედან გამომდინარე, მოვერიდებით კომენტარების გაკეთებას მის განცხადებებთან დაკავშირებით, თუ არ ჩავთვლით, რომ მისი რომელიმე განცხადება, პოზიცია არის ღირებული ჩვენი ქვეყნის განვითარებისთვის“, – განაცხადა ირაკლი კობახიძემ.
ავტორი
ნინი ხიჯაკაძე
