ქვეყანაში მიმდინარე პროცესებსა და მნიშვნელოვან გამოწვევებზე საუბრობს “სტრატეგია აღმაშენებლის” გენერალური მდივანი, პარლამენტის დეპუტატი, პაატა მანჯგალაძე:
“ქართული ოცნების“ ყველა ქმედება, ყველა ნაბიჯი მიმართულია არა მხოლოდ ჩვენი ევროპული კურსის წინააღმდეგ, არამედ ქართული სახელმწიფოსა და სუვერენიტეტის წინააღმდეგ. ესენი არიან ბოლშევიკები, ოღონდ უიარაღოდ, იგივე პრინციპებითა და მიზნებით.
ამ ბრძოლაში ისინი არ ერიდებიან არც ძალადობას, არც ცილისწამებას, არც მოსყიდვას, არც ისტორიის გაყალბებას, არც ლიტერატურული პერსონაჟების ქცევების გაუკუღმართებას. ამის ნათელი მაგალითია „სტუმარ-მასპინძლის“ ირაკლი კობახიძისეული გაგება, რომელიც მტერთან კოლაბორაციის გამართლებისთვის ვაჟა-ფშაველას იყენებს.
სინამდვილეში, ერთმანეთისგან ვერ ასხვავებს სტუმარს და ტანკით შემოჭრილ მტერს, რომელიც დედაქალაქიდან 30 კილომეტრში დგას. მათ უნდათ, რომ მტერთან თანამშრომლობა, მტერთან კოლაბორაცია აქციონ ნორმად, რომ თითქოს მერე რა რომ რუსეთი 200 წელზე მეტია ცდილობს საქართველოს განადგურებას, მერე რა რომ ჩვენი ძირძველი კუთხეები მიიტაცა და მიიერთა, არც ის არაფერს ნიშნავს, რომ დღესაც იმპერიის აღდგენის ჟინით უკრაინაში კლავს ქალებსა და ბავშვებს, არც ის, რომ ჰააგის სასამართლოს მიერ გამოცემულია პუტინის დაკავების ორდერი, მაგრამ კობახიძე უსირცხვილოდ საუბრობს მისი უდანაშაულობის პრეზუმფციაზე.
ახლა ველოდები, როდის ჰკითხავენ ბელგოროდში მიმდინარე მოვლენებზე რომელზეც დარწმუნებული ვარ, თავაწეული, ამაყად, მისთვის დამახასიათებელი უტიფრობით იტყვის, რომ გერმანიაში ასწავლეს სუვერენული სახელმწიფოში შეჭრა საერთაშორისო სამართლის ფუნდამენტური პრინციპების დარღვევაა.
საქართველო აუცილებლად გახდება ევროკავშირისა და ნატოს წევრი და ამას სულ არ სჭირდება ძალიან დიდი ძალისხმევა, ამისთვის საჭიროა 50 000 ადამიანი რამდენიმე დღით ქუჩაში და ყველაფერი დასრულდება ხალხის გამარჯვებით!
არა კოლაბორაციას! არა ღალატს!“ – აცხადებს პაატა მანჯგალაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
