“ქართულ ოცნებას” მომავალ დღეებში და თვეებში მოუწევთ პოლიტიკური ფასის გადახდა და ნერვიულობა იმის გამო, რაც გააკეთეს – ანა დოლიძე

იუსტიციის უმაღლესი საბჭოს არამოსამართლე წევრი “ქართული ოცნების” მაჟორიტარ დეპუტატებს საკონსტიტუციო ცვლილებების წინააღმდეგ გამოსვლისთვის უპირისპირდება. ანა დოლიძემ აქცია-პერფორმანსი გამართა პსპ-ს ოფისთან იმ მოტივით, რომ დეპუტატი კახა ოქრიაშვილი იყო მაჟორიტარული  სისტემის გაუქმების ყველაზე აქტიური მოწინააღმდეგე:

“დღეს მე მოვიტანე აქ “კორსიზი“, რომელსაც დავურიგებ “ქართული ოცნების“ წევრებს, იმიტომ, რომ მათ ნამდვილად დასჭირდებათ, მომავალ დღეებში და თვეებში, პოლიტიკური ფასის გადახდა და ნერვიულობა იმის გამო, რაც გააკეთეს.

პსპ-ს პატრონი სააფთიაქო ბიზნესის ერთ-ერთი მთავარი მფლობელი ბოლო დეკადებია, არის საქართველოს პარლამენტის წევრი და რა თქმა უნდა, ის იქნება მთავარი მხარდამჭერი იმისა, რომ ეს მახინჯი სისტემა შენარჩუნდეს,“- განაცხადა ანა დოლიძემ.