პარლამენტის რეგიონალური პოლიტიკისა და თვითმმართველობის კომიტეტის თავმჯდომარის პირველი მოადგილე, ირაკლი ზარქუა კომენტარს აკეთებს ,,გირჩი – მეტი თავისუფლების” ლიდერის, ზურაბ გირჩი ჯაფარიძის მიერ სოციალურ ქსელში გამოქვეყნებულ პოსტთან დაკავშირებით:
,,ბატონ ზურა ჯაფარიძეზე არ მაქვს დიდი წარმოდგენა, ის არის ერთი ხელმოცარული. ვერ ჩამოყალიბდა, ცხოვრებაში რა უნდა ქნას, ვერ მიხვდა. ახლა აი ამ ქაოსის, რევოლუციური სცენარების, რატომღაც, ჩეგევარა ჰგონია თავი.
ნუ დაუჯერებთ! აქცენტი გააკეთეთ კითხვაზე, ცოდნაზე, როგორ ააშენოთ ეს ქვეყანა, როგორ შევუქმნათ მეტი შესაძლებლობა ევროინტეგრაციას. ამაზე იყავით აქცენტირებული.
ნუ დაუჯერებთ ამ ხელმოცარულებს. ამათ თავიანთი სიტყვა პოლიტიკაში თქვეს – 0% არიან. ამიტომაც არის, რომ კარდაკარ და ქუჩა-ქუჩა დარბიან, ტყე-ტყე გხვდებიან თქვენ. რატომ? – იმიტომ, რომ შეცდომაში შეგიყვანონ, გამოგიყენონ და შემდეგ, როდესაც დაიძაბება სიტუაცია განზე გადგნენ“, – განაცხადა ირაკლი ზარქუამ.
ავტორი
ნინი ხიჯაკაძე
