23 წლის გარდაცვლილ თამარ ბაჩალიაშვილთან დაკავშირებით “შაბათის ფორმულაში” გასულ რეპორტაჟს და საქმის გამომძიებლის სკანდალურ ინტერვიუს ეხმაურება “ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა:
“გითხარით, გადაგიყოლებთ თამარ ბაჩალიაშვილი მეთქი? ხომ გეგონათ ცა და ქვეყანა თქვენი?
აბა თქვენ იცით, ხვალ კიდევ ურცხვად ამოეფარეთ სანდრო გვირგვლიანის ხსოვნას…
ია მეტრეველს მინდა ვკითხო, – ბაჩალიაშვილი არავის შვილი არ იყო არა?“, – წერს ფეისბუქის პირად გვერდზე ლელა ჯეჯელავა.
ინფორმაციისთვის: 2020 წლის 23 ივლისს რამდენიმე დღიანი ძებნის შემდეგ, 23 წლის თამარ ბაჩალიაშვილი თეთრიწყაროს ტყეში, საკუთარ მანქანაში გარდაცვლილი იპოვეს. გამოძიება თვითმკვლელობამდე მიყვანის მუხლით დაიწყო. ოჯახის წევრებს, გარდაცვლილის ადვოკატებსა და ახლობლებს არ სჯერათ თვითმკვლელობის ვერსიის. თითქმის სამი წლის შემდეგ, შაბათის ფორმულაში” გასული რეპორტაჟი და საქმის გამომძიებლის სკანდალური ინტერვიუ, სავარაუდოდ, ბევრ რამეს შეცვლის გამოძიებაში.
