“ქართველი ხალხის ევროპული არჩევანი არის ის, რასაც არასდროს არც ჩვენი ერი და არც მისი რომელიმე მთავრობა – არ გადაუხვევს” – თეა წულუკიანი

საქართველოსა და უნგრეთის ვიცე-პრემიერებს შორის შეხვედრა გაიმართა. სხდომის დეტალებზე განცხადება გააკეთა საქართველოს მთავრობის ვიცე-პრემიერმა, კულტურის, სპორტისა და ახალგაზრდობის მინისტრმა, თეა წულუკიანმა:

,,უნგრეთის ვიცე-პრემიერთან თბილი და ნაყოფიერი შეხვედრა გაიმართა, რომელიც არაერთ სხვა კომპეტენციასთან ერთად, პასუხისმგებელია კულტურული მემკვიდრეობის დაცვასა და რელიგიებს შორის დიალოგზე. ასევე, ის ძალიან აქტიურად არის ჩართული ევროკავშირში მიმდინარე პროცესებში.

მე მქონდა შესაძლებლობა, რომ გულწრფელი მადლობა მეთქვა ქართველი ხალხისა და მთავრობის სახელით უნგრეთისათვის იმ უპრეცედენტო მხარდაჭერისთვის, რომელიც მან ჯერ კიდევ უვიზო მიმოსვლის მოპოვების პროცესში ჩვენს ხალხს აღმოუჩინა.

ვისაუბრეთ იმაზეც, რომ ქართველი ხალხის ევროპული არჩევანი არის ის, რასაც არასდროს არც ჩვენი ერი და არც მისი რომელიმე მთავრობა – არ გადაუხვევს“, – განაცხადა თეა წულუკიანმა.

ავტორი
ნინი ხიჯაკაძე