საქართველოს პრეზიდენტმა, სალომე ზურაბიშვილმა სააღდგომო შეწყალების აქტში “მთავარი არხის” გენერალური დირექტორი, პატიმრობაში მყოფი ნიკა გვარამია არ გაითვალისწინა და შესაბამისად არ შეიწყალა, მიუხედავად საზოგადოების კონკრეტულ წრეებში გაჩენილი მოლოდინებისა. ამასთან დაკავშირებით, სოციალურ ქსელში გამოქვეყნებულ პოსტში, მწვავე პოზიცია დააფიქსირა “სტრატეგია აღმაშენებლის” პოლიტიკური საბჭოს წევრმა, სერგო ჩიხლაძემ:
“სალომემ მაინც არ შეიწყალა! იარეთ ახლა მასთან გაპრანჭულ რანდევუებზე და უძღვენით ქება და ოდა.
არ ასრულებს არცერთ ევრორეზულაციას, არ ითვალისწინებს არცერთ ევრორეკომენდაციას! ბიძინას წასვლის მერე რომ გადაუხვია თურმე ქოცმა ევროპული კურსიდან, ეს ცალკე კლოუნადაა კიდევ.
სანამ ყველას და ყველაფერს თავისი სახელი არ დაერქმევა, მანამ ვიქნებით ასეთ ილუზიებში და უმწიფრობაში (პოლიტიკოსები განსაკუთრებით)!
როდესაც ამ ფასად გაჩუქებენ პრეზიდენტობას(!), რატომ აქვს ვინმეს მოლოდინი რომ ამის მჩუქებელს დაუპირისპირდება პირადად?!
ან 2018 წელს რომ შეირგებ, 2023-ში პრინციპულად და მებრძოლად გადაკეთდები?!” – წერს ფეისბუქის პირად გვერდზე სერგო ჩიხლაძე.
