“ძალიან ვცდილობ, რომ როგორმე გადავარჩინო ჩემი შვილის სიცოცხლე…” – გიული ალასანია მიხეილ სააკაშვილზე

სტრასბურგის ადამიანის უფლებათა სასამართლოში საქართველოს მე-3 პრეზიდენტის საქმე გაგზავნილია. მოლოდინებთან დაკავშირებით ისაუბრა ჟურნალისტებთან კომენტარში მიხეილ სააკაშვილის დედამ, გიული ალასანიამ და კონკრეტულ შეფასებები გააკეთა შვილის ჯანმრთელობის მდგომარეობის თაობაზე:

,,დროებითი გადავადება – ეს არის ასეთი სურვილი ჯანმრთელობის მდგომარეობის გამო. მიეცეს ადამიანს შესაძლებლობა, რომ აღიდგინოს ეს ჯანმრთელობა. თუკი აქვს, თუკი დარჩა მას ეს შანსი – არ ვიცი…

მისი ჯანმრთელობა არ არის ამოუწურავი. უკვე ძალიან მძიმე მდგომარეობაა.

მე, ყოველ შემთხვევაში, ძალიან ვცდილობ, რომ როგორმე გადავარჩინო ჩემი შვილის სიცოცხლე… უკვე რამდენი ხანია ვამბობ, რომ ეს საჩქაროა, საჩქაროა, მაგრამ იწელება. ჩემდა გასაკვირად, რაღაცნაირად უძლებს ადამიანი ჯერ-ჯერობით.

მე, პირადად, იმედი მაქვს [სტრასბურგის სასამართლოს სასურველი გადაწყვეტილების], მაგრამ ვნახოთ, ვიდრე არ მივიღებთ რაღაც შედეგს ვერაფერს ვერ გეტყვით”, – განაცხადა გიული ალასანიამ.

ავტორი
ნინი ხიჯაკაძე