“პოლიტიკური ტურები გამოვიდნენ და კიდევ რაღაცა არევა უნდათ” – მეუფე იაკობი

ამერიკის მთავრობის მიერ საქართველოს 4 მოსამართლესთან მიმართებაში მიღებულ გადაწყვეტილებას, ქადაგებისას ეხმაურება ბოდბელი მთავარეპისკოპოსი მეუფე იაკობი (იაკობიშვილი):

“მინდა პირდაპირ გითხრათ: მაგ მოსამართლეების გულშემატკივარი ცხოვრებაში არ ვყოფილვარ, მაგრამ რა ხდება ახლა – პოლიტიკური ტურები გამოვიდნენ და კიდევ რაღაცა არევა უნდათ თურმე საქართველოში. იმ სასამართლოსთან შედარებით, რა სასამართლო და სამართალი იყო, დიდი განსხვავებაა.

ქართველი ხალხის სახელით გამოდიან. უნდა გითხრათ, რომ მე ამერიკელებთან ყოველთვის საკმაოდ კარგი ურთიერთობა მქონდა, ყოველთვის, დღესაც კარგი ურთიერთობები მაქვს და მინდა რომ ჩვენს სახელმწიფოებსაც კარგი ურთიერთობები ჰქონდეთ. ჩვენ არ ვართ ის ერი, ვიღაცის დაპყრობა მოვინდომოთ, მაგრამ ის ერიც არა ვართ ერთის მონობიდან მეორის მონად ვიქცეთ.

არ მჭირდება ისეთი მთავრობა, რომელიც ვიღაცის მონა-მორჩილი იქნება, დაუტკაცუნებენ თითს და ისე მოიქცევა. აბა, ამერიკას გაუბედე მასე…“, – განაცხადა მეუფე იაკობმა.