“ქართული ოცნებისთვის” მიხეილ სააკაშვილის პატიმრობა არის პოლიტიკური ინსტრუმენტი – ხათუნა სამნიძე

ფრაქცი ,,რეფორმების ჯგუფის” თავმჯდომარე, ხათუნა სამნიძე ჟურნალისტებთან კომენტარს აკეთებს საქართველოს მე-3 პრეზიდენტის საკითხთან დაკავშირებით და მიაჩნია, რომ აუცილებელია მიხეილ სააკაშვილის სამკურნალოდ საზღვარგარეთ გადაყვანა:

,,პოზიციები პოლიტიკური პარტიების მხრიდან არ შეცვლილა, რომ მიხეილ სააკაშვილი, მისი ჯანმრთელობის მდგომარეობიდან გამომდინარე, გადაყვანილ უნდა იქნას სხვა ქვეყანაში.

გარდა ამისა, კიდევ ერთხელ გავიმეორებ, რომ ,,ქართული ოცნებისთვის” მიხეილ სააკაშვილის პატიმრობა არის პოლიტიკური ინსტრუმენტი, რომელსაც ის იყენებს გამუდმებით.

ეს აღრმავებს პოლარიზაციას და იცის ,,ქართულმა ოცნებამ”. სამწუხაროდ, არ ჩანს ჰორიზონტზე ადეკვატური გადაწყვეტილება მმართველი პარტიის მხრიდან”, – განაცხადა ხათუნა სამნიძემ.

ავტორი
ნინი ხიჯაკაძე