საპარლამენტო უმრავლესობის წევრი დიმიტრი (დიტო) სამხარაძე სოციალურ ქსელში ერთგვარ შესაძლო ალტერნატიულ რეალობას – მოდელირებულ “სიუჟეტს” აქვეყნებს:
“იცით რა შეიძლება მომხდარიყო, ომის პარტიას 8-9 მარტს, საქართველოში რევოლუცია რომ მოეხდინა?
10 მარტს სამოქალაქო დაპირისპირება დაიწყებოდა!
11 მარტს პროვოკაციებს მოაწყობდნენ ოკუპირებული ტერიტორიების საოკუპაციო ხაზთან და ოკუპანტებს საბაბს მისცემდნენ ფართომასშტაბიანი შეტევა დაეწყოთ!
12 მარტს საქართველოს დედაქალაქის და რეგიონების ცენტრალური ქალაქების დაბომბვა დაიწყებოდა, ოკუპირებულ ტერიტორიებზე არსებული რუსული ბაზებიდან!
13 მარტს სამხედრო შეტაკებები მოხდებოდა შიდა ქართლის ტერიტორიაზე, რაც აღმოსავლეთ და დასავლეთ საქართველოს გაყოფდა!
14 მარტს შავი ზღვიდან, აფხაზეთიდან, ოკუპანტები დაიწყებდნენ დასავლეთ საქართველოს მიმართულებით შეტევას!
15 მარტს თბილისის მისადგომებთან მოხდებოდა სამკვდრო-სასიცოცხლო ბრძოლები!
16 მარტს საქართველოში ოფიციალურად დაფიქსირდებოდა მეორე ფრონტი! სად იქნებოდნენ აგენტი, ფაშისტი ენჯეოშნიკები, ნაცები და ქვეყნის მტრები? 13 მარტს ჰერკულესით ევაკუირებულები❗️
ჩვენი კაცობა, ქვეყნის სიყვარული და პატრიოტობა რომ იციან, იმიტომ გვაწვებიან მეორე ფრონტის გახსნაზე! იციან, ქართველი სისხლის ბოლო წვეთამდე იბრძოლებს! ამიტომაც, არც სურვილი აქვთ და არც აწყობთ, რომ ჩვენ ოკუპირებული ტერიტორიების დეოკუპაცია შევძლოთ, არამედ ომის პარტიისთვის მთავარია, საქართველოში პარტიზანული ბრძოლა დაიწყოს და რუსეთმა რაც შეიძლება ბევრი ცოცხალი ძალა შემოიყვანოს!
სჭირდებათ, რადგან ამით უკრაინას შეუმსუბუქებენ 2000 კილომეტრიან ფრონტს! 1 წელი და 1 თვე დასჭირდათ, უკრაინისთვის 6 ცალი ტანკი მიეცათ! ჩვენ დაგვეხმარებიან? არა!
დღეს 23 მარტია და საქართველოში მშვიდობაა🇬🇪🙏🏻” – წერს დიტო სამხარაძე ფეისბუქის პირად გვერდზე.
