საქართველოს მე-3 პრეზიდენტის დედა, გიული ალასანია მწვავე და ემოციურ შეფასებას აკეთებს კლინიკა ,,ვივამედის“ განცხადებაზე საქართველოს მე-3 პრეზიდენტის საავადმყოფოში დატოვების საკითხზე:
,,ეს არის ციხის საავადმყოფო, რომელიც აკეთებს იმას, რასაც უბრძანებს პენიტენციური სისტემა. პენიტენციური სისტემაც არ არის დამოუკიდებელი. ისინი აკეთებენ იმას, რასაც უბრძანებს ივანიშვილი.
მე მაშინვე ამოვიკითხე, რომ თურმე უკანასკნელ 3 დღეს მან [მიხეილ სააკაშვილმა] დაიწყო თვითდაზიანება. უკვე გასაგები იყო, რომ უპირებენ ციხეში დაბრუნებას.
ყველაზე გადაუდებელი რაც არის მისთვის – ეს არის იმ მძიმე მეტალების ორგანიზმიდან გამოყვანა. ვინმე იღებს თავის თავზე? შესთავაზეს, რომ ჩვენ ახლა მძიმე მეტალებს გამოვიყვანთ, დეტოქსიკაციას გავუკეთებთ?
მე დარწმუნებული ვარ, რომ არავითარ უცხო ექიმებს იქ არ შეუშვებენ“, – განაცხადა გიული ალასანიამ.
ავტორი
ნინი ხიჯაკაძე
