,,ხალხის ძალის“ მიერ პარლამენტში ინიცირებული და პირველი მოსმენით მიღებული კანონი ,,უცხოური გავლენის აგენტების“ შესახებ მეორე მოსმენაზე ჩავარდნილია. ,,ერთიანი ნაციონალური მოძრაობის“ პოლიტიკური საბჭოს წევრი, პარლამენტის დეპუტატი ხატია დეკანოიძე აცხადებს, რომ ეს არის ხალხის გამარჯვება, თუმცა სამუშაო კიდევ ბევრია:
,,მინდა, რომ ახალგაზრდებს და საქართველოს საზოგადოებას ვუთხრა, რამდენად მნიშვნელოვანი იყო დღეს ეს გადაწყვეტილება. პირველ რიგში – ეს იყო მათი გამარჯვება. შეიძლება მცირე, მაგრამ გამარჯვება და იმის ნიშანი, რომ საქართველო არასდროს აღარ მობრუნდება რუსეთის ორბიტაზე.
ეს არის მონაპოვარი, რომ ბიძინა ივანიშვილი არ არის ყოვლისშემძლე! ეს არის მონაპოვარი, რომ ჩვენ, ხალხს ეკუთვნის ძალაუფლება.
რა თქმა უნდა, წინ გვაქვს ძალიან ბევრი სამუშაო. ეს არ არის ის, რამაც შეიძლება ჩვენ, ყველა ერთად დაგვაკმაყოფილოს“, – განაცხადა ხატია დეკანოიძემ.
ავტორი
ნინი ხიჯაკაძე
