“ის, რომ საგანგებო რეჟიმში ევროპარლამენტი იღებს რეზოლუციას, არის ძალიან ნათელი გზავნილი ქართველი ხალხისთვისაც და ჩვენი ხელისუფლებისთვისაც” – სალომე სამადაშვილი

ევროპარლამენტმა საქართველოს მე-3 პრეზიდენტის, მიხეილ სააკაშვილის შესახებ საგანგებო რეზოლუცია უნდა მიიღოს. აღნიშნულ თემაზე შეფასება გააკეთა პარტია ,,ლელო საქართველოსთვის“ პოლიტიკურმა მდივანმა, სალომე სამადაშვილმა:

,,დღეს ევროპარლამენტში უნდა მსჯელობდნენ იმაზე, როგორ დაუჭირონ მხარი ჩვენთვის კანდიდატის სტატუსის მინიჭებას. ამის ნაცვლად უწევთ მსჯელობა, ყოფილი პრეზიდენტის სიცოცხლის და ჯანმრთელობის გადარჩენაზე.

მე არ ვიცი, საბოლოოდ – გავა თუ არა შესწორება სანქცირების მოთხოვნის თაობაზე ბიძინა იავნიშვილის, მაგრამ ყველა შემთხვევაში ის, რომ საგანგებო რეჟიმში ევროპარლამენტი იღებს რეზოლუციას, არის ძალიან ნათელი გზავნილი ქართველი ხალხისთვისაც და ჩვენი ხელისუფლებისთვისაც“, – განაცხადა სალომე სამადაშვილმა.

ავტორი
ნინი ხიჯაკაძე