“ჩვენ არ გვსურს ვიყოთ მკვლელობის თანამონაწილენი!“ – თაკო ჩარკვიანი მიხეილ სააკაშვილთან დაკავშირებით

მიხეილ სააკაშვილის გადამწყვეტი სასამართლო პროცესი დღეს მიმდინარეობს, ხოლო ოპოზიციონერმა ლიდერებმა საქალაქო სასამართლოსთან აქცია გამართეს. აღნიშნულ საკითხზე ჟურნალისტებთან კომენტარი გააკეთა პარტია ,,კანონი და სამართლის“ თავმჯდომარემ თაკო ჩარკვიანმა:

,,ნამდვილად ვართ მკვლელობის თანამონაწილენი – ნებსით თუ უნებლიეთ. ამას ასე აკეთებს ხელისუფლება. მე პირადად არ მინდა, რომ ვიყო თანამონაწილე.

გადაავადონ და გადაიყვანონ მომაკვდავი, უმძიმეს მდგომარეობაში მყოფი პრეზიდენტი.

ნუ დასცინიან! არ შეიძლება, მკურნალი ექიმი დასცინოდეს პაციენტს და ჩვენ ამას ვუყურებდეთ, ხალხნო! შემდეგ მოვთხოვოთ ვიღაცა მეგობარს, რატომ აქვს ძალიან მძიმე რეაქცია ამ ყველაფერზე?! ჩვენ არ გვსურს ვიყოთ მკვლელობის თანამონაწილენი!“, – განაცხადა თაკო ჩარკვიანმა.

ავტორი
ნინი ხიჯაკაძე