დღეს, საქალაქო სასამართლოში საქართველოს მე-3 პრეზიდენტის საქმის ფარგლებში ჩვენება კლინიკა ,,ვივამედის” გენერალურმა დირექტორმა, ნინო ნადირაძემ მისცა. მისი განცხადებით, კლინიკის მთელი გუნდის მიზანი პაციენტის ჯანმრთელად ყოფნაა:
,,ცენტრი ,,ემპათიის” მიზნები, როგორც ვატყობ, რადიკალურად განსხვავებულია ჩვენი კლინიკის მიზნებისგან. ჩვენ გვინდა, პაციენტი იყოს კარგად. მე პირადად მთელი არსებით ვარ მოწოდებული იმისკენ. ზუსტად იმიტომ, რომ მე ძალიან ხშირად, პირველი 5 თვის განმავლობაში, სულ რაღაც 2-ჯერ გამოვჩნდი მედიასთან, რომ არ გამეკეთებია არანაირი განცხადებები, რომელსაც შეეძლო დაეზიანებინა პაციენტების პოზიცია. მე არ ვერევი არც მის დაცვაში, არც მის სურვილებში, არც მის მისწრაფებაში – მან იპოვოს თავისუფლების გასაღები. ეს მისი უფლებაა და მე მგონი, ყველა ადამიანისთვის ყველაზე ძვირფასია თავისუფლება.
ადამიანებიც ზუსტად ამ თავისუფლების გამო მივდივართ ყველაფერზე. მეც არ ვიცი თავისუფლების გამო რაზე წავალ? რას გავაკეთებ? რაზე მოვაწერ ხელს? შესაბამისად, მე ყოველთვის ვრჩები ექიმად. ჩემი “სტაფი” ყოველთვის რჩება სამედიცინო მრწამსის, სამედიცინო ეთიკის მხარეს.
შესაბამისად, ჩვენ არ გვაინტერესებს პაციენტის მისწრაფებები, ჩვენ არ ვერევით მისი დაცვის მხარის ქმედებებში, ჩვენ გვსურს, რომ პაციენტი იყოს ჯანმრთელად. თუმცა, მე ისიც მესმის, რომ თავისუფლების გასაღები მხოლოდ მის ძალიან ცუდად ყოფნაშია, ესეც მესმის, გათვითცნობიერებული მაქვს, მაგრამ ჩვენ არ ვაკლებთ არანაირ საშუალებას.
მე პირადად, პაციენტის გულშემატკივრები ვინც მგონია, არც მათთან ვიზარებ წერილობით, ზეპირი სახით, რომ დამეხმარონ – დაარწმუნონ პაციენტი, რომ მისთვის შესაბამისი კალორაჟის მიღება არის სასიცოცხლოდ აუცილებელი. მეტ-ნაკლებ დახმარებას ვგრძნობდი, არ დავასახელებ ამ პიროვნებებს. ნამდვილად იყო მათგან მცდელობა, რომ მომხმარებოდნენ კვებითი რაციონის გაუმჯობესებაში.
თუმცა, ის საკვები, რაც მასთან ყოველდღიურად მოდის, მითუმეტეს მათ იციან, რომ დიაგნოზში არის კუჭსა და თორმეტგოჯა ნაწლავზე კონკრეტული ცვლილებები – მაგალითად, ნივრიანი პურის და გაჭყლეტილი ნივრის რაღაცა რაოდენობის მოტანა შავ პურზე წასმული, მე ეს არ ვიცი რაში წერია?!” – განაცხადა ნინო ნადირაძემ.
ავტორი
ნინი ხიჯაკაძე
