საერთაშორისო პოლიტიკის ექსპერტი ხათუნა ლაგაზიძე მიხეილ სააკაშვილთან მიმართებაში საზოგადოების, ხელისუფლების და ხელისუფლების მომხრეების დამოკიდებულებაზე საუბრობს, სოციალურ ქსელში გამოქვეყნებულ პოსტში:
“ვინც დღეს სააკაშვილის სიკვდილს ხელს აწერთ, ერთი წუთით რომ წარმოიდგინოთ, რომ ხვალ მიშასთვის გამოტანილი განაჩენი თქვენს განაჩენად შეიძლება იქცეს, იქნებ თქვენც უფრო ბედნიერები ყოფილიყავით. ან რატომ გგონიათ, თქვენს მიერვე ზომბირებული საზოგადოებიდან, ვინმე თქვენს დასაცავად შეიწუხებს თავს. საზოგადოების ზომბებად ქცეულ ნაწილს კი რა უხარია ნეტა: იქ სადაც პრეზიდენტებს ასე კლავენ, თქვენი სიცოცხლე ჩალის ფასადაც არ უღირს ხელისუფლებას.
მესმის ვისაც “ნაციონალების” ხელისუფლებაში ყოფნის დროინდელი წარსული ტკივა, მაგრამ თქვენი წარსული ტკივილების გამო როგორ ჯოჯოხეთურ ქვეყანაში ცხოვრებისთვის ან ამ ქვეყანაზე სამუდამოდ უარის თქმისთვის რომ წირავთ თქვენს შვილებს, სანამ გვიან არ არის, მიხვდებოდეთ ნეტავ“, – წერს ფეისბუქის პირად გვერდზე ხათუნა ლაგაზიძე.
