საქართველოს მე-3 პრეზიდენტის მძიმე ჯანმრთელობის მდგომარეობის გამო კონსილიუმის წევრი ექიმები დამატებითი დასკვნის შედგენისთვის იკრიბებიან. აღნიშნულ თემაზე ჟურნალისტებთან კომენტარს აკეთებს წამების მსხვერპლთა ფსიქოლოგიური რეაბილიტაციის ცენტრ ,,ემპათიას” დირექტორი, მარიამ ჯიშკარიანი:
,,ჩვენ ვიკრიბებით, რომ ვიმსჯელოთ სასამართლო პროცესთან მიმართებაში. ჩვენი დასკვნის დამატებით დასკვნასთან დაკავშირებით, რისი შედგენაც განაპირობა ახალმა გარემოებებმა.
2 თვის განმავლობაში პაციენტის მდგომარეობა დამძიმდა. იცით თქვენ, რომ ამჟამად უკიდურესად მძიმეა. იგი პრაქტიკულად საჭიროებს ინტენსიური თერაპიის ღონისძიებებს.
თუ არ დაიწყება კვებითი ინფუზია, შესაბამისად, მდგომარეობა კიდევ უფრო გართულდება და შეუქცევადი გახდება.
რაც შეეხება სამხარაულის დასკვნას, ეს დასკვნა იწვევს ძალიან ბევრი მიმართულებით სერიოზულ ეჭვს. შეიცავს ყალბ ინფორმაციას. საერთოდ საკითხავია ,,ემპათიის“ დასკვნაზე და დანართებზეა შესრულებული, თუ კიდევ სხვა დოკუმენტაციაზე…“, – განაცხადა მარიამ ჯიშკარიანმა.
ავტორი
ნინი ხიჯაკაძე
