“წლევანდელ წელს სკოლების რეაბილიტაციის პროცესი დაექვემდებაროს აუდიტირებას” – ანა ნაცვლიშვილი

სკოლების მიმდინარე რეაბილიტაციის პროცესში კორუფციის რისკებს ხედავ საპარლამენტო პოლიტიკური ჯგუფის ,,ლელო – პარტნიორობა საქართველოსთვის” წევრი, ანა ნაცვლიშვილი და ამასთან ერთად, განათლების სისტემაში არსებულ გამოწვევებზე კომენტარს აკეთებს :

,,ერთი საკითხი, ეს არის სასკოლო შენობების რეაბილიტაცია, რომელიც ეფექტიანად არ ექვემდებარება კონტროლს და ზედამხედველობას. რეაბილიტაციის პროცესები არის გაჭიანურებული.

მივმართავ აუდიტის სამსახურს წინადადებით, რომ წლევანდელ წელს, კონკრეტულად სკოლების რეაბილიტაციის პროცესი დაექვემდებაროს აუდიტირებას. ჩვენ გვქონდეს ნათელი და მკაფიო ინფორმაცია იმიტომ, რომ აქ შეიძლება იყოს კორუფციის რისკები.

რაც შეეხება მეორე საკითხს – სკოლების პოლიტიზირება განსაკუთრებით აქტუალური ხდება არჩევნების დროს. ჩემს მიერ ოფიციალურად მოპოვებული ინფორმაციის საფუძველზე ჩანს, რაზე დგას სკოლების პოლიტიზირება. ეს დგას დირექტორების არდანიშვნის სისტემაზე.

2 000 სკოლას ამდროისთვის არ ჰყავს დირექტორი. ეს სკოლები იმართება განათლების მინისტრის მიერ, ერთპიროვნულად, შერჩეული დირექტორის მოვალეობის შემსრულებლები”, – განაცხადა ანა ნაცვლიშვილმა.

ავტორი
ნინი ხიჯაკაძე