ვიცე-პრემიერი, კულტურის, სპორტისა და ახალგაზრდობის მინისტრი თეა წულუკიანი მწვავე და ირონიულ კომენტარს აკეთებს ჟურნალისტებთან საქართველოს მე-3 პრეზიდენტსა და სააკაშვილის “მაგნიტსკის სიასთან” დაკავშირებით.
ვიცე-პრემიერის განცხადებით, მიხეილ სააკაშვილი სამართლიანად იხდის სასჯელს, რომელიც დამოუკიდებელმა და მიუკერძოებელმა სასამართლომ მიუსაჯა:
,,რაც შეეხება სიას, ჩვენ მაშინ არ შევუშინებივართ ე.წ. სიას, რომ ,,დაგიჭერთ, დაგაპატიმრებთ, ამოგალპობთ ციხეში, ხელი არ აუკანკალდება არავის და ყველანი იქნებით ტერორის ქვეშ“ – როცა ამას გვეუბნებოდნენ ქართველ ხალხს ,,ნაციონალური მოძრაობის“ წევრები და მათი კრიმინალი ბელადი, რომელიც ახლა, სრულიად დამსახურებულად ბრძანდება ორპალატიან საკანში და კიდევ პრეტენზიები აქვს, მაშინ არ შეგვშინებია, იმიტომ რომ ვიცოდით ვიბრძოდით სიმართლისთვის.
ჩვენ მიჩვეულები ვართ უკვე სიების შედგენას, რომ ეოცნებებათ და ნატრულობენ, რომ დაბრუნდებიან ხელისუფლებაში, დაიჭერენ ყველა მინისტრს, ექთნებს, ექიმებს, ამოგვალპობენ ყველას ერთად ციხეში.
ახლა თუ მიხეილ სააკაშვილი მისმენს ვეტყვი, რომ – ვერაფერსაც ვერ დაგვაკლებ, შენ ხარ კრიმინალი, ზიხარ იქ, სადაც უნდა იჯდე! კეთილი ინებე, მოიხადე ის სასჯელი, რომელიც მოგისაჯა საქართველოს დამოუკიდებელმა, მიუკერძოებელმა და რეფორმირებულმა სასამართლომ. ეს არის ჩვენი კანონის პატივისცემა და აღსრულება“, – განაცხადა თეა წულუკიანმა.
ავტორი
ნინი ხიჯაკაძე
