ბოდბელი მთავარეპისკოპოსი მეუფე იაკობი (იაკობიშვილი) ქადაგების დროს კრიტიკულ განცხადებას აკეთებს საქართველოს მე-3 პრეზიდენტ, მიხეილ სააკაშვილთან დაკავშირებით და კონკრეტულ შედარებებს აკეთებს. ამასთან მეუფე საქართველოს ხელისუფლებას მოუწოდებს, რომ მოხდეს ქალებზე ამნისტიის გარცელება:
,,ერთმანეთის სიყვარული გვესწავლოს, ატანა კი არ გვქონდეს… ვიღაცა რომ მეუბნება, პოლარიზაცია შეამცირე, გარედან რომ მეუბნები – ის ქვეყნის აღმაშენებელია. თურმე მანამდე არც აღმაშენებელი გვყოლია, არც ვახტანგ გორგასალი, არც თამარ მეფე, საერთოდ ქეთევან დედოფალი არ გვყოლია.
ეწირებოდნენ, ქალები შანთებს უძლებდნენ… პალატაში რომ წამოგორებულხარ და იქ რომ ვერ გაგიძლია, სირცხვილია! არ უნდა გყავდეს მასეთი კაცი…
ჩამოვიდა რა, ჩვენ ხომ არ მოგვიყვანია, ხომ არ ჩამოგვიყვანია?! თვითონ მაინც ვერ ხედავენ, რას დარბიან?! დაიშლებიან მარტივ მამრავლებად. ქართველი ხალხი არ მივცემთ არავის უფლებას, გარედანაც არ ჩავრევთ არავის, რომ რაღაცა… შიგნითაც.
ჯანსაღი ოპოზიციაც ამოვა, ადრე თუ გვიან ყველაფერი იცვლება. ხან ერთი იქნება სახელმწიფოს სათავეში, ხან მეორე, ხან მესამე, ხან მეოთხე და პირიქით, უნდა შევეჯიბროთ – უკეთესად და უკეთესად უნდა ვაკეთოთ. ხომ არ უნდა გვშურდეს ერთმანეთის?!
ამიტომ ეკლესიაშიც მშვიდობა იყოს, გარეთაც მშვიდობა იყოს. შეხედეთ მაგათი ტელევიზიები, როდესაც ეკლესიაზე ბრძოლა მიდიოდა, პარტიული აქტივისტები სად იდგნენ ხოლმე? კაცებთან იდგნენ თუ ნაპატიმრ-ნაძირალებთან? იმათ მე კაცებს ვერ ვუწოდებ, ვისთანაც იდგნენ ხოლმე, ვინც ჩვენ წინააღმდეგ იყვნენ.
ღმერთმა ყველა დალოცოს. კიდევ ერთხელ ვთხოვ, ჩვენს ხელისუფლებას მოვუწოდებ, რომ ქალების დიდი ამნისტია იქნებ გავაკეთოთ და მერე კაცებზეც ვიზრუნოთ. სამარცხვინოდ, მარტო ერთ კაცზე გადაირია მთელი მსოფლიო, აქ კიდევ სექტა გადაირია, როცა ამდენი ქალი გვყავს. შვილები ელოდებიან, ვინ არ ელოდება, მეუღლეები ელოდებიან. ღმერთმა დაგლოცოთ, გაგახაროთ, ღმერთმა სულიწმინდის მადლით აგავსოთ!
არ შეიძლება არ ვთქვა, მე ისე ვერ ვიცხოვრებ, როცა მოვკვდები და უფალთან მივალ ხომ მეტყვის – მეუფე იაკობ, რას მიკეთებდი, ეგ ხომ მაინც შეგეძლო?! ის არ შეგეძლო, ეს… ის ხომ შეგეძლო და მაგის ძალას ხომ გაძლევდი.
ჩვენ, აუცილებლად, ღვთის შეწევნით გავიმარჯვებთ ქართველები! ამიტომ იმათაც მოვუწოდებ, გარეთ რომ არიან და გვმოძღვრავენ – არავის დასამოძღვარი არა ვართ, თუ რამე გვეშლება იმასაც ვხვდებით, მაგრამ ჩვენც რომ სწორად მოვიქცეთ სხვებთან, ისინიც მოიქცნენ სწორად“, – განაცხადა მეუფე იაკობმა.
ავტორი
ნინი ხიჯაკაძე
