დღეს, საქალაქო სასამართლოში საქართველოს მე-3 პრეზიდენტის მორიგი სასამართლო პროცესი მიმდინარეობს. სხდომის პარალელურად ჟურნალისტებთან კომენტარი გააკეთა და შექმნილი სიტუაცია შეაფასა მიხეილ სააკაშვილის დედამ, გიული ალასანიამ:
,,ადამიანი არის მოწამლული. ვიდრე ეს საწამლავი არ გამოვა მისი ორგანიზმიდან, იქნება ძალიან ცუდად და შეიძლება საერთოდ აღარ იყოს.
სამწუხაროდ, სასამართლოები ჭიანურდება, რაც მისთვის ძალიან საზიანოა, მაგრამ ამასობაში გამოვიდა მაიკლ მაკფოლის სტატია, ჩემი შვილის სტატია დაიბეჭდა ,,The Wall Street Journal”-ში, რაც ძალიან მნიშვნელოვანია. იმიტომ, რომ აქ გაისმის ხანდახან ესეთი შენიშვნები, რომ აი, რაღაცა სიმულანტობს. სიმულანტის და აფერისტის სტატიები იქ არ იბეჭდება. ყველანაირად გაცხრილულია – ზუსტად იციან, რას ბეჭდავენ და ვის უბეჭდავენ!
გარდა ამისა პარალელურად მაქვს ინფორმაცია, რომ ბილ ბროუდერი მონაწილეობს იმ სიის შედგენაში, რომელიც უკვე ეხება მიხეილ სააკაშვილს, “მაგნიტსკის სიის” მსგავსი შედგება აქ.
მე იმედი მაქვს, რომ ყველას მიეზღვება, ვინც ამ უკანონო პატიმრობაში, მის ასეთ ტანჯვაში და მოწამვლაში მიიღო მონაწილეობა“, – განაცხადა გიული ალასანიამ.
ავტორი
ნინი ხიჯაკაძე
