ოპოზიციასთნ მიმართებაში თავის მწვავე შეფასებებს აკეთებს, სოციალურ ქსელში გამოქვეყნებულ პოსტში, “ტაბულა მედიას” დამფუძნებელი, ამომრჩეველთა განათლების საზოგადოების დირექტორი თამარ ჩერგოლეიშვილი:
“პატრიარქთან და ბიძინასთან კი არა, პუტინთან დალაგება რომ დაიწყოს სააკაშვილმა (შორს არაა კირილის ლაქუცისგან), გამოჩნდება რამდენიმე ათეული მიშისტი, რომელიც სოცქსელში დაიწყებს ამის ტაქტიკურად გამართლებას და თუ დანარჩენებმა თავი ძალიან შორს არ დავიჭირეთ, შეიქმნება შთაბეჭდილება რომ მთელი ოპოზიცია ეგეთი დეგენერატია და ცვლილებას მნიშვნელობა არ აქვს – ყველა ერთი ნაგავია.
ესაა ოპოზიციის ზაზუნის დღე 10 წელია.
10 წელია ამ აბსურდის თეატრის ციყვის ბორბალშია ოპოზიცია და რაც მეტი დრო გადის, მეტად სუსტდება, ფრაგმენტირდება და დემორალიზდება.
10 წელია ვერ მოხერხდა ოპოზიციაში ღირსეული ხალხის ისეთი კონცენტრაცია, რომ ეს აბსურდი წარსულს ჩააბაროს.
სანამ ეს არ მოხერხდება, პუტინისტური რეჟიმი გვეყოლება“, – წერს ფეისბუქის პირად გვერდზე თამარ ჩერგოლეიშვილი.
