“ჩემი ძალიან მკაფიო აზრია, რომ მიხეილ სააკაშვილმა აუცილებლად უცხოეთში უნდა გაიაროს მკურნალობის კურსი” – მეუფე ნიკოლოზი

საქართველოს მე-3 პრეზიდენტი კლინიკა ,,ვივამედში” ახალქალაქის, კუმურდოსა და კარის მიტროპოლიტმა, მეუფე ნიკოლოზმა (ფაჩუაშვილი) მოინახულა. მისი განცხადებით, ეკლესია ვერ ჩაერევა პოლიტიკურ პროცესებში, თუმცა მნიშვნელოვნად მიიჩნევს მიხეილ სააკაშვილის დაუყოვნებლივ საზღვარგარეთ სამკურნალოდ გადაყვანას:

,,ერთი წელიწადია უკვე, მეტი – წელიწადნახევარი, პატრიარქის ლოცვა-კურთხევით სისტემატიურად ეზიარება.

ჩემი ძალიან მკაფიო აზრია, რომ მან აუცილებლად უცხოეთში უნდა გაიაროს მკურნალობის კურსი.

პატრიარქის პოზიცია არის ის, რომ მე დავდივარ აქ. მე ვახმოვანებ ჩემ აზრს. ისეთი რთული თემაა, ჩვენ რომ განცხადებები ვაკეთოთ, რასაც საზოგადოება ჩვენგან მოითხოვს, პროცესებში ჩარევას – ეს არ არის სწორი!” – განაცხადა მეუფე ნიკოლოზმა.

ავტორი
ნინი ხიჯაკაძე