პირველი ვიცე-სპიკერი გიორგი ვოლსკი მწვავედ აკრიტიკებს ყოფილ თანაგუნდელს, პარტია ,,საქართველოსთვის” თავმჯდომარეს გიორგი გახარიას, მის მიერ ბოლო პერიოდში გაკეთებულ განცხადებებთან დაკავშირებით ბიძინა ივანიშვილისა და ,,ქართული ოცნების” ლიდერების მიმართ:
,,გახარიამ, თავის ღირსებას რომ მიხედოს, ჯობია. თუ რამე ვინმემ იცის ისეთი, რომელიც ამ საზოგადოების ინტერესს უპირისპირდება, უნდა ილაპარაკოს – იქნება ეს გახარია თუ ნებისმიერი სხვა.
რაც მთავარია, ილაპარაკოს არა მხოლოდ სიტყვიერად, საქმით აკეთოს ის, რაც ქვეყანას და ხალხს სჭირდება. გახარია ამის საპირისპირო ფიგურად ჩამოყალიბდა. ანტიპოდია ამ დამოკიდებულებისა, რასაც ჰქვია პასუხისმგებლობა საზოგადოების წინაშე.
2023 წელს, რასაკვირველია, იმის შემდგომ წლებშიც, ყველა უნდა მოიქცეს ისე, როგორც ქვეყანას სჭირდება ურთულეს პერიოდში. გახარიას ჯერ-ჯერობით ნიშან-წყალი არ ეტყობა იმისა, რომ ამას აკეთებს”, – განაცხადა გიორგი ვოლსკიმ.
ავტორი
ნინი ხიჯაკაძე
