“არ შეიძლება პატიმრის დატოვება იმ გარემოში, სადაც ის დღეს იმყოფება” – მარიამ ჯიშკარიანი მიხეილ სააკაშვილზე

საქართველოს მე-3 პრეზიდენტის ჯანმრთელობის მდგომარეობა დამძიმებულია. აღნიშნულ თემაზე კომენტარი გააკეთა წამების მსხვერპლთა ფსიქოლოგიური რეაბილიტაციის ცენტრ ,,ემპათიას” ხელმძღვანელმა მარიამ ჯიშკარიანმა:

,,ცენტრი ,,ემპათიის” ყველა ექსპერტი მზად არის ჩვეულებრივ რუტინულ რეჟიმში სასამართლოზე გამოკითხვის წესით მიაწოდოს მოსამართლეს ინფორმაცია. წარდგენილი არის ცენტრი ,,ემპათიის” დასკვნა, როგორც ქართული, ასევე ინგლისური ვერსია. მას ხელს აწერს პრაქტიკულად როგორც ადგილობრივი, ასევე საერთაშორისო ექსპერტების უმრავლესობა.

არ შეიძლება პატიმრის დატოვება იმ გარემოში, სადაც ის დღეს იმყოფება. ვინაიდან საკითხი ეხება შესაძლო ინტოქსიკაციას. ეს არის უკვე წამების განგრძობითი ფორმა, თუ კი იგი დარჩება იმ გარემოში, სადაც შესაძლებელია განხორციელდა ინტოქსიკაცია.

მე არ ვგულისხმობ კლინიკა ,,ვივამედს”, არამედ საქართველოს ციხეთა სისტემას“, – განაცხადა მარიამ ჯიშკარიანმა.

ავტორი
ნინი ხიჯაკაძე