“ამ გლოვის ფონზე, ცხედრის გარშემო მგლოვიარე ხალხი, უყურებს ამ სამარცხვინო პოლიტიკურ სპეკულაციას – გიორგი ვოლსკი

საქართველოს პარლამენტის პირველი ვიცე-სპიკერი გიორგი ვოლსკი ტელეკომპანია ,,იმედის“ ეთერში, გადაცემაში ,,იმედი live”, უკრაინაში ქართველი მეომრების დაღუპვის ფაქტს გამოეხმაურა. მისი აზრით, აღნიშნულ თემაზე ოპოზიციის მხრიდან გაკეთებული განცხადებები არის პოლიტიკური სპეკულაცია:

,,აი, ამ გლოვის ფონზე, ცხედრის გარშემო მგლოვიარე ხალხი, უყურებს ამ სამარცხვინო პოლიტიკურ სპეკულაციას. მეც პირადად, ჩემს მეგობრებსაც, გუნდის წევრებსაც, რაღაც ბოჭავს იმისათვის, რომ გავაგრძელო ამ თემაზე ლაპარაკი და პოლიტიკურ ასპექტში დავუპირისპირდეთ მეორე მხარეს, რომელიც უზნეოდ იქცევა – მოკლედ რომ ვთქვათ.

მე ვერ ვიტყვი, რომ იქ გულწრფელი სინანული და გლოვა არ არის. რეალურად ხომ ვხედავთ, რომ ამ თემის გამოყენება ამ პოლიტიკური რაკურსით, ომის თემის ახლიდან წამოწევა – დღის წესრიგიდან არ იხსნება“, – განაცხადა გიორგი ვოლსკიმ.

ავტორი
ნინი ხიჯაკაძე