,,ერთიანი ნაციონალური მოძრაობის“ თავმჯდომარეობის კანდიდატი ლევან ხაბეიშვილი პარტიის ოფისში გამართულ საგანგებო ბრიფინგზე ,,ქართული ოცნების“ შენობასთან საპროტესტო აქციის გამართვას აანონსებს:
,,აღარცერთი დღე აღარ გვაქვს გადასადები იმისთვის, რომ ვიბრძოლოთ ჩვენი ქვეყნისთვის და ვიბრძოლოთ პრეზიდენტის ჯანმრთელობისა თუ სიცოცხლისთვის!
სწორედ ამიტომ, მე ჩემს თანამებრძოლებთან ერთად, ,,ნაციონალური მოძრაობის“ მხარდამჭერებთან ერთად ვაპირებ შაბათს, 3 დეკემბერს 15:00 საათზე ,,ქართული ოცნების“ ოფისთან მისვლას.
იქ, სადაც მიიღება რეალური გადაწყვეტილებები, მოვთხოვოთ მთავარი რამ, არანაირი პოლიტიკური დღის წესრიგი არ გვაქვს. გვაქვს ერთი მოთხოვნა – პრეზიდენტი სააკაშვილის გადაყვანა, ჯანმრთელობა და სიცოცხლის უზრუნველყოფა.
გავდივარ ასევე რეგიონებში – არა მხოლოდ შაბათი დღისთვის, არამედ გენერალური ბრძოლის მობილიზებისთვის რუსი ოლიგარქის წინაღმდეგ“, – განაცხადა ლევან ხაბეიშვილმა.
ავტორი
ნინი ხიჯაკაძე
