“ჯანმრთელობის მდგომარეობის გამო საჭიროა მიხეილ სააკაშვილის გათავისუფლება ან გადავადება, იმის და მიხედვით, თუ რა შინაარსის დასკვნა გვექნება” – დიმიტრი საძაგლიშვილი

კლინიკა ,,ვივამედში“ საქართველოს მე-3 პრეზიდენტის სამედიცინო კონსილიუმი გადაიდო. ექიმების შეხვედრა კი ხვალ ჩატარდება, სადაც ექსპერტები მიხეილ სააკაშვილის ჯანმრთელობის დამძიმებულ მდგომარეობაზე იმსჯელებენ. ასევე, დღეს საქალაქო სასამართლოში უნდა გამართულიყო მე-3 პრეზიდენტის მორიგი პროცესი ე.წ. საზღვრის კვეთის საკითხზე, თუმცა სხდომა გახსნისთანავე გადაიდო. აღნიშნულ საკითხზე ჟურნალისტებთან კომენტარს აკეთებს ადვოკატი დიმიტრი საძაგლიშვილი:

,,ძალიან უცნაურად იქცევა სასამართლო, ვინაიდან პროცესის გახსნის შემდეგ ისე დაასრულა პროცესი მოსამართლემ, რომ ერთი სიტყვაც კი არ გვათქმევინა დაცვის მხარეს. მით უმეტეს, სწორედ მიხეილ სააკაშვილის ჯანმრთელობის მდგომარეობასთან დაკავშირებით გვქონდა წარსადგენი დოკუმენტაციაც.

ეს საკითხი უნდა იქნეს ძალიან სწრაფად გადასაწყვეტი, ვინაიდან ჯანმრთელობის მდგომარეობის გამო საჭიროა მიხეილ სააკაშვილის გათავისუფლება ან გადავადება, იმის და მიხედვით, თუ რა შინაარსის დასკვნა გვექნება.

ნებისმიერ შემთხვევაში ჩვენი მოთხოვნა, რომელიც შესული იქნება სასამართლოში დასკვნის აღების და გაანალიზების შემდეგ. ბუნებრივია, დროულად უნდა იქნეს განხილული“, – განაცხადა დიმიტრი საძაგლიშვილმა.

ავტორი
ნინი ხიჯაკაძე