“ნიკა გვარამიას გამოშვებას დღეს უნდა მხოლოდ სალომე ზურაბიშვილის ნება, მიხეილ სააკაშვილის სამკურნალოდ გადასვლას – მხოლოდ პოლიტიკური ნება” – ელენე ხოშტარია

ევროკომისიის რეკომენდაციების შესრულებასთან დაკავშირებით პოლიტიკურ შეფასებებს აკეთებს პარტია “დროას” თავმჯდომარე ელენე ხოშტარია, აცხადებს რომ რეკომენდაციების შესრულება არ არის რთული განსახორციელებელი და კონკრეტულ შეთავაზებას აკეთებს:

,,არც ერთი საკითხი არ არის დაკავშირებული რაიმე სახის რთული რეფორმების გატარებასთან. კერძოდ, ეს არის მხოლოდ და მხოლოდ პოლიტიკურ ნებაზე და სურვილზე, რომ დაუახლოვდეთ ევროპას. მაგალითად, ნიკა გვარამიას გამოშვებას დღეს უნდა მხოლოდ სალომე ზურაბიშვილის ნება.

მიხეილ სააკაშვილის სამკურნალოდ გადასვლას, რაც არის მკაფიოდ მითითებული ამ დოკუმენტში, უნდა მხოლოდ პოლიტიკური ნება.

სასამართლოს რეფორმასაც უნდა მხოლოდ პოლიტიკური ნება.

ჩვენ უნდა გვესმოდეს, რომ ამ ხელისუფლებას ეს პოლიტიკური ნება არ აქვს და პასუხისმგებლობა ავიღოთ ჩვენ, კონსოლიდირებულად შევცვალოთ ეს ხელისუფლება“, – განაცხადა ელენე ხოშტარიამ.

ავტორი
ნინი ხიჯაკაძე