“ქართულმა ოცნებამაც” აიღოს პასუხისმგებლობა და მხარი დაუჭიროს იმ ცვლილებას, რომელიც არის შეთანხმებული – პაატა მანჯგალაძე

საკონსტიტუციო ცვლილებების განხილვებთან დაკავშირებით ჟურნალისტებთან კომენტარს აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე:

,,ქართული ოცნება” ამბობდა, რომ მოსწონდა საკონსტიტუციო ცვლილებები პარლამენტთან ანუ ბარიერთან დაკავშირებული, მაგრამ არ იზიარებდა გენერალური პროკურორის ნაწილს.

ახლა გვეუბნებიან პირიქით – მოსწონთ გენერალური პროკურორის ნაწილი, მაგრამ არ მოსწონთ ბარიერთან დაკავშირებული ნაწილი.

ჩვენ მზად ვართ, ამას დავუჭიროთ მხარი ჩვენი ევროპული მომავლისთვის. ასევე ,,ქართულმა ოცნებამაც” აიღოს პასუხისმგებლობა და მხარი დაუჭიროს იმ ცვლილებას, რომელიც არის შეთანხმებული.

გვჭირდება კონსულტაცია პარტნიორებთან, რომ საბოლოო გადაწყვეტილება მივიღოთ”, – განაცხადა პაატა მანჯგალაძემ.

ავტორი
ნინი ხიჯაკაძე