ევროსაბჭოს საპარლამენტო ასამბლეის რეზოლუციას, რომელიც რუსეთის ტერორისტულ სახელმწიფოდ გამოცხადებას გულისხმობს, მმართველი პარტია მხარს არ უჭერს, რადგან აღნიშნულ დოკუმენტში არ ეთანხმებიან ჩანაწერს მიხეილ სააკაშვილის პატიმრობის საკითხთან დაკავშირებით. “ქართული ოცნების” აღნიშნულ გადაწყვეტილებაზე კომენტარს აკეთებს პარლამენტის დეპუტატი, ,,სტრატეგია აღმაშენებლის” გენერალური მდივანი პაატა მანჯგალაძე:
,,პოლიტპატიმრობის საკითხი დაკავშირებულია ქვეყანაში სამართლიანი სასამართლოს არსებობასთან. თუკი ქვეყანაში არ არის სამართლიანი სასამართლო, მის წინაშე წაყენებული ნებისმიერი ბრალდება იწვევს დასაბუთებულ ეჭვს/ვარაუდს, რომ ის პასუხს აგებს არა იმისთვის, რაც ჩაიდინა, არამედ მის მიმართ ხორციელდება სამართლებრივი ანგარიშსწორება.
ჩვენ ვიცით, რომ მიხეილ სააკაშვილის დაკავებაში მართლმსაჯულების ინტერესს უსწრებდა და უსწრებს ყოველთვის, მისი პოლიტიკური დასჯის ინტერესი“, – განაცხადა პაატა მანჯგალაძემ.
ავტორი
ნინი ხიჯაკაძე
