ადვოკატი დიმიტრი საძაგლიშვილი ჟურნალისტებთან კომენტარს აკეთებს ,,მთავარი არხის“ გენერალური დირექტორის ნიკა გვარამიას სასამართლო პროცესთან დაკავშირებით:
,,დაცვის მხარე წარვდგებით დასკვნითი სიტყვით. კიდევ ერთხელ დავასაბუთებთ ბრალდების აბსურდულობას. პრინციპში, ისედაც ყველასთვის ცნობილია, თუ რაოდენ გაყალბებული სისხლის სამართლის საქმის ფარგლებშია დატყვევებული ნიკა გვარამია.
ჩვენ კიდევ ერთხელ ავუხსნით სასამართლოს, თუ რატომ არის აბსურდული პროკურატურის მტკიცება და შესაბამისად არ შეიძლება სისხლის სამართლებრივი წესით ამ საკითხის გადაწყვეტა.
მხარეებს ექნებათ რეპლიკის საშუალება, ამის შემდეგ, უკვე საბოლოო სიტყვა – მსჯავრდებულის.
წესით და რიგით 24-ში უნდა დავასრულოთ განხილვა. ამის შემდეგ უკვე სასამართლომ უნდა გადაწყვიტოს – აიღებს თუ არა დამატებით მოკლე ვადას განაჩენის გამოსატანად. წესით სასამართლოს ჩამოყალიბებული უნდა ჰქონდეს პოზიცია და 24-შივე შეიძლება მოვისმინოთ განაჩენი, მაგრამ არ ვიცით ისინი რა გზას აირჩევენ“, – განაცხადა დიტო საძაგლიშვილმა.
ავტორი
ნინი ხიჯაკაძე
