“სტრატეგია აღმაშენებლის” პოლიტსაბჭოს წევრი, განათლების მიმართულების ხელმძღვანელი ნანა ტოხვაძე, თბილისის სახელმწიფო უნივერსიტეტში არსებულ მდგომარეობას ეხმიანება:
“ჯერ დააჯილდოვეს, მერე გაუშვეს” – ასეთია პარტკომის სამართალი. თსუ-ს გარშემო აბსურდის თეატრი გრძელდება. 7 ოქტომბერს გიორგი შარვაშიძემ ფეისბუქ პოსტით გვაცნობა, რომ “ვადაზე ადრე გათავისუფლების მოთხოვნით” აკადემიურ საბჭოს უკვე მიმართა. ისმის კითხვა, რატომ ახლა და არა სტუდენტების მწვავე პროტესტების დროს? მაშინ, როცა ათასობით ქუჩაში დარჩენილი სტუდენტი ითხოვდა განათლების უფლებას.
ალბათ გაინტერესებთ, ვინ იქნება შემდეგი? ან ვის გამოუთავისუფლეს თსუ-ს რექტორის თანამდებობა?! გაამწესებენ თუ არა ამ თანამდებობაზე პარტიულად უფრო “მოქოქილ” ან ხელისუფლების წინაშე მეტი დამსახურების მქონე სუბიექტს?…
“სტრატეგია აღმაშენებლის” საკანონმდებლო ინიციატივის სახით არსებობს შანსი, რომ გაირღვეს ეს მოჯადოებული და მანკიერი წრე. რექტორის პირდაპირი და საყოველთაო ლეგიტიმაციით არჩევის წესის (კანონპროექტი უკვე დარეგისტრირებულია საქართველოს პარლამენტში) დანერგვით საუნივერსიტეტო ცხოვრების გაჯანსაღების შანსი არსებობს. აკადემიური საბჭოს მიერ არა კულუარულად ან “ზემოდან” დაკვეთით შეირჩეს რექტორობის კანდიდატი, არამედ ფართო კონსესუსის, პროფესორ-მასწავლებლების, აკადემიური წრეებისა და სტუდენტების სრული ჩართულობით,” – აცხადებს ნანა ტოხვაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
