“თავისი ხაზი აქვს “ევროპულ საქართველოს”, რომ აფხაზეთის თემატიკით შეიძლება მიაღწიონ მეორე ფრონტის გახსნას” – მიხეილ ყაველაშვილი

საქართველოს პარლამენტის წევრი მიხეილ ყაველაშვილი მწვავე შეფასებას აკეთებს ენგურის ხიდთან დაგეგმილი აქციის შესახებ. ყაველაშვილის განცხადებით, ამ ეტაპზე აფხაზეთში მცხოვრები მოსახლეობის პროვოცირება ეწინააღმდეგება მათ პოლიტიკას:

,,თავისი ხაზი აქვს ამ ,,ევროპულ საქართველოს”, აფხაზეთის თემატიკით უნდათ, რომ შეიძლება მიაღწიონ მეორე ფრონტის გახსნას. პირდაპირ ენგურის ხიდთან მიდიან, კიდევ გახსენება იმ საშინელებების, რაც ხდებოდა აფხაზეთის ომში – ეს პირდაპირ პროვოცირებაა, ხომ?

მით უმეტეს, რომ ესეთ სიტუაციაში პირიქით აქვს ქართულ სახელმწიფოს გაცხადებული. ყველაფერი აღრიცხულიც არის, რა თქმა უნდა. ქართულმა სახელმწიფომ სტრასბურგში და მითუმეტეს – ,,ქართულმა ოცნებამ” ეს ყველაფერი ფაქტობრივად დაამტკიცა და დაასაბუთა, რა იყო ჩადენილი.

ამის ახლა პროვოცირება, ამ ეტაპზე პირდაპირ მიხვიდე და საზღვარზე დაიწყო ამაზე საუბარი, პროვიცირება მოახდინო აფხაზეთში მცხოვრები მოსახლეობის – ეს, რა თქმა უნდა, ეწინააღმდეგება ჩვენ პოლიტიკას”, – განაცხადა მიხეილ ყაველაშვილმა.

ინფორმაციისთვის: ,,ევროპული საქართველოს” ინიციატივით ენგურის ხიდთან გაიმართა აქცია-პერფორმანსი, სადაც მოქალაქეები ფილმს უყურებდნენ, რომელიც რუსეთის მიერ აფხაზეთში ჩადენილ დანაშაულებებს ასახავს.

ავტორი
ნინი ხიჯაკაძე