აღმოსავლეთმცოდნე, ისტორიის მეცნიერებათა დოქტორი ზურაბ ბატიაშვილი სოციალურ ქსელში თავის მოსაზრებას ავრცელებს რუსეთის მიერ შექმნილი კოლექტიური უსაფრთხოების ხელშეკრულების ორგანიზაციის რეალური დაშლის სიმპტომებისა და კონკრეტული ფაქტების შესახებ:
“დღეს პუტინის კიდევ ერთი ხუხულა, სახელად ОДКБ (კოლექტიური უსაფრთხოების ხელშეკრულების ორგანიზაცია, რომელიც კრემლმა თავის დროზე “ნატო”-ს საპირწონედ შექმნა), იშლება მარტივ მამრავლებად:
– მის წევრები ყირგიზეთი და ტაჯიკეთი ერთმანეთს ეომებიან, რაც წარმოუდგენელი სიგიჟეა ერთიანი სამხედრო ორგანიზაციის ფარგლებში;
– ყაზახეთი 2023 წელს გადის ორგანიზაციიდან, რადგან რუსეთიდან თურქეთისკენ იხრება;
– სომხეთის არაერთი თხოვნის მიუხედავად, ორგანიზაციამ არავითარი დახმარება არ აღმოუჩინა ერევანს და სომხეთისთვისაც გამოჩნდა, რომ ცარიელი ქაღალდია ეს გაერთიანება;
– ბელარუსი კი გინდ გყოლია, გინდ არა. ვის რაში სჭირდება.
ასე რომ დარჩა მხოლოდ ამ ორგანიზაციის იურიდიულად დაშლის გაფორმება,” – წერს ფეისბუქის პირად გვერდზე ზურაბ ბატიაშვილი.
