სახალხო დამცველის არჩევის წესთან დაკავშირებული ცვლილებები დამტკიცებულია. ოპოზიციამ მას მხარი არ დაუჭირა. აღნიშნულ საკითხზე კომენტარი გააკეთა საქართველოს პარლამენტის წევრმა, ,,სტრატეგია აღმაშენებლის“ გენერალურმა მდივანმა პაატა მანჯგალაძემ:
,,12 პუნქტიანი რეკომენდაციის მთავარი პირობა იყო, რომ ომბუდსმენის არჩევის პროცესი უნდა ყოფილიყო უფრო გამჭვირვალე, უფრო ჩართული ანუ ინკლუზიური და ხელი უნდა შეეწყო ამ ყველაფერს ერთობლიობაში უფრო დამოუკიდებელი ინსტიტუტის ჩამოყალიბებისთვის.
მე ვერ დავინახე წარმოდგენილი ცვლილებით, მიუხედავად იმასა, რომ ბევრი წერია ბელგრადის პრინციპებს ითვალისწინებს, ვენეციის კომისიის დასკვნებს… სინამდვილეში საკითხი დავიდა იქამდე, რომ პარლამენტის თავმჯდომარე შეარჩევს სამუშაო ჯგუფს, რომელიც დაუწერს ქულებს. ჩემთვის გაუგებარია ეს ბუღალტერია რატომ შემოიტანა ,,ქართულმა ოცნება“, თუ არსებითი პრაქტიკის ცვლილებას არ აპირებენ?!
უფრო მეტიც თუ ეს ასეთი კარგია და მართლაც ევროპული სტანდარტების შესაბამისია, რატომ არის ის ერთჯერადი ნორმა, გარდამავალი დებულებით რატომ მიიღეს ეს ცვლილება? რატომ არ არის მუდმივი წესი?!“, – განაცხადა პაატა მანჯგალაძემ.
ავტორი
ნინი ხიჯაკაძე
