ევროპარლამენტარ ვიოლა ფონ კრამონთან ერთგვარ დისკუსიაში შესვლის გამო “ქართული ოცნების” თავმჯდომარის, ირაკლი კობახიძის მიმართ მწვავე შეფასებებსა და მძიმე ეპითეტებს არ იშურებს ანალიტიკოსი გია ხუხაშვილი:
“კობახიძე განსაკუთრებით შეურაცხმყოფელი, ცინიკური აგრესიით გამოირჩევა ქალების მიმართ და ამის არაერთი ფაქტი არსებობს.
ჟურნალისტზე ცნობილი თავდასხმის შემდეგ ვთქვი, რომ ეს იყო დომინირების ავადმყოფური სურვილით შეპყრობილი მამრის აგრესია.
ვიოლა ფონ კრამონზე შეტევის შემდეგ ერთ სიტყვას ჩავამატებდი – “უძლური მამრის”…” – წერს ფეისბუქის პირად გვერდზე გია ხუხაშვილი.
