პარლამენტის რეგიონალური პოლიტიკისა და თვითმმართველობის კომიტეტის თავმჯდომარის პირველი მოადგილე ირაკლი ზარქუა კომენტარს აკეთებს საქართველოს პრეზიდენტის, სალომე ზურაბიშვილის გადაწყვეტილებაზე გაეროში დავით ბაქრაძის ელჩად დანიშვნის საკითხთან დაკავშირებით:
,,რა გითხრათ?! ქალბატონი სალომე ცოტა თავისებური ადამიანია, ხასიათის ადამიანია. ეტყობა იმ ხასიათზე იყო მაშინ, როცა თქვა და მგონია, რომ შეუფერებელი იყო ის განცხადებები, რაც გააკეთა დიპლომატების მიმართ, განსაკუთრებით ბატონი დავითის მიმართ.
თუმცა, მან მაინც ე.ი. გადაწყვიტა, რომ ხელი მოეწერა და დაენიშნა. აქ მაინც ვერავინ იტყვის, რომ ვინმემ აიძულა ან რაღაც.
ქალბატონი სალომე არის დამოუკიდებელი მაქსიმალურად გუნდისგან, მე მგონი – ყველა ინსტანციისგან. თვითნებურად, თავისით იღებს ამა თუ იმ გადაწყვეტილებას“, – განაცხადა ირაკლი ზარქუამ.
ინფორმაციისთვის: პრეზიდენტმა სალომე ზურაბიშვილმა გაეროში ელჩის თანამდებობაზე დავით ბაქრაძის კანდიდატურის დამტკიცებასთან დაკავშირებით კონკრეტული შენიშვნები ჰქონდა, მაგრამ ბოლოს ხელი მაინც მოაწერა დანიშვნას, თუმცა ასევე აღნიშნა, რომ დავით ბაქრაძის ამერიკის შეერთებულ შტატებში გაწეული საქმიანობის უარყოფითი შეფასება კვლავ ძალაშია.
ავტორი
ნინი ხიჯაკაძე
