საქართველოს პარლამენტის თავმჯდომარის მოადგილე არჩილ თალაკვაძე ეხმაურება ,,ერთიანი ნაციონალური მოძრაობის“ კრიტიკას უკრაინის დამოუკიდებლობის დღესთან დაკავშირებით კიევში გამგზავრებაზე უარის თქმის გამო:
,,რომელი გვაკრიტიკებს? – მთავარი ოპოზიცია, ,,ნაციონალური მოძრაობა“, მე შეგახსენებთ, რომ არ იყო ჩვენს გვერდით და საქართველოს დელეგაციაში, როდესაც ჩვენ ჩავედით კიევში, ბუჩაში, ირპენში. ამიტომ მათგან ეს კრიტიკა ცოტა ღიმილის მომგვრელი და ცინიკურია. ამაზე პასუხის დრო ჩვენ არ გვაქვს.
რაც შეეხება უკრაინის დამოუკიდებლობის დღეს – მინდა, კიდევ ერთხელ, პარლამენტის მეგობრობის ჯგუფის სახელით, მივულოცო უკრაინას და უკრაინელ ხალხს“, – განაცხადა არჩილ თალაკვაძემ.
ავტორი
ნინი ხიჯაკაძე
