“კარგად უნდა გაანალიზოს ქვეყანამ, რომ შეიძლება სამხედრო ინტერვენციის რისკები შეიძლება დადგეს” – ნიკა სიმონიშვილი

მესამე სექტორი და სამოქალაქო აქტივისტები რუსეთის მოქალაქეების საქართველოში მასიურ შემოსვლასთან დაკავშირებით საუბრობენ, კონკრეტულ შეფასებებს აკეთებენ და სავიზო რეჟიმის დაწესების მოთხოვნით სხვადასხვა ღონისძიების ორგანიზებას აანონსებენ, მათ შორის, პეტიციაზე ხელმოწერების შეგროვებას. საკითხს ეხმაურება საია-ს თავმჯდომარე, ნიკა სიმონიშვილი, რომელიც რუსეთის მოქალაქეების საქართველოში მასიურ შემოსვლაში სახიფათო რისკებს ხედავს:

“ფაქტიურად გაუკონტროლებელია რუსეთის ფედერაციიდან წამოსული ფინანსები – ეს ერთი, თუმცა მეორე, რაც მნიშვნელოვანია, – ის ქვეყანა, რომელიც ჩვენი ქვეყნის მტერია, მას არაერთხელ გაუკეთებია, რომ საკუთარი მოქალაქეების დაცვის მიზნით სამხედრო ინტერვენცია განუხორციელებია, სხვა ქვეყანაში, მათ შორის, საქართველოში.

ეს რისკები, სწორედაც, კარგად უნდა გაანალიზოს ქვეყანამ, რომ შეიძლება სამხედრო ინტერვენციის რისკები შეიძლება დადგეს“, – აცხადებს ნიკა სიმონიშვილი.