,,ერთიანი ნაციონალური მოძრაობის“ გენერალური მდივანი პეტრე ცისკარიშვილი კომენტარს აკეთებს ,,ქართული ოცნებიდან“ წასული დეპუტატების მორიგ წერილზე. ოპოზიციონერი ლიდერის განცხადებით, მსგავსი წერილები მიწერება, მაშინ, როდესაც მმართველი გუნდი რეფორმების გატარებაში საფრთხეს ხედავს:
,,სასამართლო სისტემის ხელიდან გაშვება არ უნდათ იმიტომ, რომ ამ ხელისუფლების ერთ-ერთი მთავარი ბურჯი არის სწორედ სასამართლო სისტემა, მართლმსაჯულება და მასში შემავალი ის მოსამართლეები, რომლებიც თავიდან ბოლომდე ემორჩილებიან ბიძინა ივანიშვილს და ,,ქართულ ოცნებას“.
როგორც კი იგრძნობენ, რომ რაღაც ისეთი ტიპის რეფორმა უნდა გატარდეს, როდესაც ეს ძალაუფლება მათ ხელიდან უნდა გამოეცალოთ და უნდა იყოს დამოუკიდებელი, თავისუფალი პოლიტიკური ზეგავლენისგან და უნდა ემსახურებოდეს ქართულ სახელმწიფოს და არაერთ კონკრეტულ ადამიანს ან პოლიტიკურ პარტიას, მაშინვე იწყებენ ასეთი წერილების წერას“, – განაცხადა პეტრე ცისკარიშვილმა.
ავტორი
ნინი ხიჯაკაძე
