“მოსმენების საქმეზე” გამოკითხვაზე დაიბარეს იუსტიციის მინისტრის ყოფილი მოადგილე, იურიდიულ მეცნიერებათა დოქტორი, საქართველოს სტრატეგიული ანალიზის ცენტრის (GSAC) ექსპერტი დავით ჯანდიერი:
,,ჩემთან დაკავშირებით არის რამდენიმე ეპიზოდი. განსაკუთრებულად კარგად და სკურპულოზულად არის აღწერილი ის ურთიერთობები, რაც უკავშირდება ადამიანის უფლებათა ევროპულ სასამართლოში ჩემ მიერ ,,ციანიდის“ საქმეზე გიორგი მამალაძის წარმომადგენლობას.
ასევე, საუბრები ჩემ მეგობართან, ჟურნალისტებთან გადაცემაში მონაწილეობის შესახებ, ასევე საუბრებს დიპლომატიური კორპუსისა და სახალხო დამცველის წარმომადგენლებთან.
მაქვს მტკიცებულებებიც, რომლებიც პირდაპირ ადასტურებს ამ კრებსებში მითითებული მასალების სინამდვილესთან შესაბამისობას.
მიზანი არის ერთი, რომ იდენტიფირება მოხდეს იმ ადამიანების, რომლებიც ყოველგვარი საკანონმდებლო საფუძვლის გარეშე ახდენდნენ მიყურადებას და თვალთვალს. შეიცვალოს ის საკანონმდებლო ბაზა, რომ თავისუფალ გარემოში ცხოვრების საშუალება მიეცეთ ადამიანებს“, – განაცხადა დავით ჯანდიერმა.
ავტორი
ნინი ხიჯაკაძე
