“ჩვენ გვჭირდება ექსპერტიზისათვის ის ვიდეომასალა, რომელიც ეხება მე-12 სასჯელაღსრულების დაწესებულებიდან მიხეილ სააკაშვილის ,,გადაყვანას“ მე-18 დაწესებულებაში” – მარიამ ჯიშკარიანი

საქართველოს მე-3 პრეზიდენტის, მიხეილ სააკაშვილის საქმეში ამერიკელი ექსპერტები ერთვებიან. აღნიშნულ საკითხსა და კონკრეტული ვიდომასალების ექსპერტიზის საჭიროებასთან დაკავშირებით კომენტარი გააკეთა ცენტ ,,ემპათიას“ დირექტორმა მარიამ ჯიშკარიანმა:

,,მივმართეთ დარგობრივ ასოციაციებს ორი ამერიკელი ექსპერტის ლიზენზიასთან დაკავშირებით რეკომედაციისათვის. ველოდებით, რომ დღეს იქნება ეს რეკომენდაციები მზად და დღესვე ცენტრი ,,ემპათია“ გადააგზავნის ჯანდაცვის სამინისტროს რეგულირების სააგენტოში ყველა დოკუმენტაციას, რაც საჭიროა ლიცენზიის აღიარებისათვის.

ასევე, მივმართეთ სახელმწიფო საგამოძიებო სამსახურს, იმისთვის, რომ ჩვენ გვჭირდება ექსპერტიზისათვის ის ვიდეომასალა, რომელიც მათ გააჩნიათ.

ეს ეხება მე-12 სასჯელაღსრულების დაწესებულებიდან მიხეილ სააკაშვილის ,,გადაყვანას“ მე-18 დაწესებულებაში და ასევე, არსებობის შემთხვევაში ვიდეოჩანაწერი გორის სამხედრო ჰოსპიტალში განხორციელებული ძალადობის ფაქტის შესახებ“, – განაცხადა მარიამ ჯიშკარიანმა.