“საკითხები, რომლებიც მწავედ დაისმება, ეს არ ნიშნავს იმას, რომ ირაკლი კობახიძის განცხადებები იყო კრიტიკული” – მიხეილ სარჯველაძე

პარტია ,,ქართული ოცნების“ თავმჯდომარეს, ირაკლი კობახიძეს დასავლეთის მიმართ დაფიქსირებული მწვავე თუ კრიტიკული პოზიციები დაუთვალეს. აღნიშნულზე პოლიტიკურ შეფასებას აკეთებს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე:

,,ყველგან იქნებოდა ჟურნალისტის დასმული კითხვები და ეს იქნა დათვლილი. ამიტომ ჟურნალისტების წვლილიც გაითვალისწინეთ, როდესაც ასეთი რაოდენობის დათვლაზე გვაქვს საქმე.

ჯერ ერთი – არითმეტიკული და რაოდენობრივი მაჩვენებელი არ ნიშნავს იმას, რომ ის ავტომატურად კონვერტირდება თვისობრიობაში. ეს ერთი ძალიან მნიშვნელოვანი.

მეორე – უნდა ვთქვათ, რომ არ მახსენდება, სიმართლე გითხრათ, კრიტიკული შეფასებები დასავლეთ ევროპასთან და ამერიკასთან მიმართებაში.

საკითხები, რომლებიც მწვავედ დაისმება, ეს არ ნიშნავს იმას, რომ ირაკლი კობახიძის განცხადებები იყო კრიტიკული.

ჩემთვის მნიშვნელოვანია თვითონ პასუხების შინაარსი. ამ თვალსაზრისით, მე წუნს ვერ ვუპოვიდი, ამ შემთხვევაში, ბატონი ირაკლი კობახიძის განცხადებებს“, – განაცხადა მიხეილ სარჯველაძემ.

ავტორი
ნინი ხიჯაკაძე