საერთაშორისო ურთიერთობების ექსპერტი გიორგი რუხაძე შეფასებას აკეთებს რუსეთის მოქალაქეების უკონტროლო შემოდინების შესახებ საქართველოს ტერიტორიაზე:
,,ეს არის სერიოზულად საფრთხის შემცველი კომპონენტი, როდესაც ასი ათასობით რეალურად რუსეთის მოქალაქე უკონტროლოდ კვეთს საზღვარს.
რა თქმა უნდა, იქიდან შეიძლება იყოს პუტინის რეჟიმს გამოქცეული, კეთილსინდისიერი ადამიანი, მაგრამ ამის გაცხრილვა და კონტროლი არ ხდება, რადგან არ ხდება ამხელა მასაში ბუნებრივია, შესაძლებელია იყოს და დიდი ალბათობით იქნება ის ადამიანები, რომლებიც რუსეთის და კრემლის დავალებებს შეასრულებენ საქართველოში.
სახელმწიფო უსაფრთხოების სამსახური სწორედ ამით უნდა იყოს დაკავებული. იმ ადამიანების იდენთიფიკაციით, რომელიც ამ ტალღაში შემოდის და რაღაც კონკრეტული დავალება აქვს, მაგრამ ვხედავთ, რომ ჩვენი შესაბამისი სამსახურები თუ სპეცსამსახურები სულ სხვა რამით არიან დაკავებული. ამის უამრავი მაგალითი გვაქვს. უსმენენ მასწავლებლიდან დაწყებული დამთავრებული სასულიერო პირით“, – განაცხადა გიორგი რუხაძემ.
ავტორი
ნინი ხიჯაკაძე
